Екінші жеңіл салмақ дәрежесіндегі WBC International белбеуінің иегері өзінің чемпиондық атағын 19 қазан күні қорғайды. Қарсыласы мексикалық Фернандо Варгас болмақ. 29 жастағы боксшы 2006 жылдан бері кәсіпқой рингте 47 жекпе-жек өткізген. 32 кездесу өткізіп, 12 жекпе жегінде жеңілген,үшеуін тең аяқтаған.
Жекпе-жек Америкадағы ең әйгілі бокс ареналарының бірі, Лас Вегастың Monte Carlo Resort and Casino залында өтеді. Бұл спорт кешенінде өтетін барлық жекпе-жектерді әлемге танымал ESPN телеарнасы тікелей эфирден көрсетуді жоспарлап отыр.
Айта кетейік, бұған дейін Бекман ешқашан Лас-Вегаста жұдырықтасып көрмеген. Бұл оның кәсіпқой шаршы алаңдағы 12-жекпе-жегі болмақ. Бұған дейінгілерінің барлығын жерлесіміз жеңіспен аяқтаған. Еншісінде WBC International чемпиондық белбеуі бар.
Қазір Diamond Ring боксшысы Лос-Анджелестегі Wild Card West бокс залында әйгілі маман Эрик Браунның қарамағында жаттығып жүр.
bairakkz