Футболдан Ұлттық құрамамыз Ұлттар лигасындағы соңғы ойынында Грузия құрамасына 2:1 есебімен жеңілді.
Ойындағы алғашқы гол 59 минутта соғылды. Оның авторы Георгий Меребашвили. Осылайша алаң иелері есепте алға шықты. Грузия құрамасы мұнымен тоқтап қалған жоқ. Шабуылдарын үдетті. Осының нәтижесінде 83 минутта Георги Чакветадзе есепті еселеді. Ойынның соңғы минутында алаңға шыққан Оралхан Өміртаев есепті қысқартқанымен, төреші қосқан 3 минутта есеп өзгеріссіз қалып, алаң иелері жеңіске жетті. Бұл топта 16 ұпай жинаған Грузия құрамасы 1-орынды еншіледі. Қазақстан құрамасы 6 ұпай, Латвия мен Андорра құрамалары 4 ұпай жинап жарыс жолынан шығып қалды. Грузия құрамасы С дивизионына жоғарылады және 2020 жылғы Еуропа чемпионаты жолдамасына таласады.
bairakkz