Қазақ елінің бокс сүйер қауымы үшін жақсы жаңалық!

21.01.2019260
49508204_242520230000502_1598813265739643404_n.jpg

Болашағынан үлкен үміт күттіретін жас кәсіпқой боксшы Садриддин Ахмедовтың чемпиондық белбеу үшін жекпе-жегі отандық арналардың тікелей эфирінен көрсетіледі.

26-шы қаңтар күні Канаданың Монреаль қаласында өтетін бокс кешінде, отандасымыз Садриддин Ахмедов (6-0, 6 КО) жастар арасындағы WBC чемпиондық белбеуін сарапқа салады.

20 жастағы Садриддин Ахмедовтың қарсыласы 22 жастағы мексикалық боксшы Абрахам Хуарес (12-1, 4 КО) болады. Бірінші орта салмақ дәрежесінде өтетін жекпе-жек 10 раундқа жоспарланған.

Қазақстанда Астана уақыты бойынша 27-ші қаңтар күні, таңғы сағат 08:00-де отандық «Qazaqstan» және «QazSport» арналары жекпе-жекті тікелей эфирден көрсетеді.

Айта кетейік, әуесқой бокстан жастар арасындағы Әлем чемпионы Садриддин қазақстандық боксшылардың арасында, кәсіпқой бокста 21 жасқа дейін жастар арасындағы WBC чемпиондық белбеуіне таласуға мүмкіндік алған бірінші боксшы болмақ.
Отандасымызға қолдау көрсетейік! Бұйыртса, тарихи сәттің куәсі болайық!

Материал : dodasport.kz сайтынан

Пікір қалдыру

Сіздің электронды поштаңыз жарияланбайды. Қатарды міндетті түрде толтырыңыз *