СЕРБИЯДА СЕҢ БҰЗДЫ

22.01.20191890
1548050677_article_b_1500_-1280x853.jpeg
Сербияның Сомбор қаласында әйелдер боксынан «Ұлттар кубогі» халықаралық турнирінде Қазақстан құрамасы 5 алтын медаль жеңіп алды. Алуа Балқыбекова (48 келі), Дина Жоламан (54 келі), Римма Волосенко (60 келі) және Ләззат Күнгейбаевалар (+81 келі) чемпион атанды. 51 келідегі финалдық жекпе-жекте әлем чемпионы Назым Қызайбай өзінің отандасы Ангелина Лукасқа есе жіберді. Осылайша 5 алтын, 1 күміс және 1 қола медаль иеленген бокстан Қазақстан әйелдер құрамасы жалпы есепте тұғырдың бірінші сатысында. Екінші орында Ресей, үшінші сатыда Сербия құрамалары орналасқан. Қазақстандық боксшылар ересектермен қатар, жастар мен жасөспірімдер арасында да топ жарып, Суперкубокті иеленді.

Пікір қалдыру

Сіздің электронды поштаңыз жарияланбайды. Қатарды міндетті түрде толтырыңыз *