Қазақстандық теннисші Бейбіт Жұқаев мансабында алғаш рет АТР санатындағы турнирдің ширек финалына шықты.
Бейбіт Алматыда өтіп жатқан АТР 250 жарысының 1/8 финалында чех Томаш Махачпен кездесті. Әлемдік рейтингте 25-орында тұрған Томаш бірінші сетте-ақ өзін жайсыз сезініп, ойынды жалғастырудан бас тартты.
Қазақстандық теннисші ширек финалда Карен Хачанов (Ресей) — Отто Виртанен (Финляндия) арасындағы ойында жеңгенімен кездеседі.