Bairak.kz ақпараттық-сараптамалық порталы
ӘлеуметЖаңалықтар

Жоғары сот мектепке оранып баратын қыздарға қатысты шешім шығарды

Жоғарғы сот орамал тағуына байланысты балаларды мектепке кіргізбеу туралы іс бойынша шешім шығарды, деп хабарлайды bairak.kz.

Ата-аналар жалпы білім беретін мектептің әрекетіне шағымданып, талап қойған болатын. Сот білім алу құқығы Қазақстан азаматтарының негізгі конституциялық құқықтарының бірі екенін атап өтті. Осыған орай, апелляциялық соттың шешімі қолдау тапты, ал мамандандырылған ауданаралық әкімшілік соттың бұрынғы шешімі күшін жойды. Нәтижесінде талап қою қанағаттандырылды.

Орта білім беру ұйымдары үшін міндетті мектеп формасына талаптарды бекіту жөніндегі өкілеттіктерге бейінді министрлік ие екенін атап өтеміз. Министрдің тиісті бұйрығы заңсыз деп танылмады және жойылған жоқ, — делінген сот хабарламасында.

Сот өкілдері ата-аналар мектеп жарғысы мен мектеп формасына қойылатын талаптарды сақтауға жауапты екенін атап өткен.

Ата-аналардың балаларды тәрбиелеу мен оқыту, құқықтары мен мүдделерін қорғау жөніндегі өзіне алған және заңмен белгіленген міндеттерін орындамауы заңда белгіленген, оның ішінде Әкімшілік құқық бұзушылық туралы кодексте көзделген жауаптылыққа әкеп соғады, — делінген хабарламада.

Атырау, Қарағанды, Павлодар, Түркістан облыстарының соттары оқушыларды оқу процесіне жібермеу бойынша істерді қарау кезінде осындай қорытындыға келді.

 Фото: istockphoto.com

Сәйкес жаңалықтар

Солтүстік Аралға су жіберу жұмыстары басталды

bairakkz

Тоқаев Сербияға ресми сапармен барды

bairakkz

«Келбеті өзгеше, келешегі нұрлы»

bairakkz