Беларусь президенті Александр Лукашенко Украина басшысы Владимир Зеленскиймен қарым-қатынасы жақсы болғанын және оған «өз ұлымдай қарағанын» мәлімдеді, деп хабарлайды bairak.kz америкалық блогер Марио Науфалға берген сұхбатына сілтеме жасап.
«Мен оған өз ұлымдай қарадым. Біз бірнеше рет келіссөздер жүргіздік, маған ол ақылды адам болып көрінді», – деді Лукашенко.
Алайда, Беларусь басшысы Зеленский президенттік қызметінің басында тәжірибесіздіктің кесірінен көптеген қателік жібергенін айтты. Оның айтуынша, украиналық көшбасшының жанында сенімді кеңесшілері болмаған, сондықтан ол саяси шешімдерді жалғыз қабылдауға мәжбүр болды.
Лукашенко Украина мен Беларусь арасындағы қазіргі қарым-қатынастың күрт нашарлауына өкініш білдірді. Ол Зеленскиймен дипломатиялық диалог орнатуға дайын екенін, алайда жағдайдың өзгеруі қажет екенін атап өтті.
Беларусь басшысының бұл мәлімдемесі Украина мен Беларусь арасындағы шиеленіскен жағдайға қарамастан жасалды. Сарапшылар Лукашенконың бұл сөзін Киевпен қарым-қатынасты қалпына келтірудің алғашқы қадамы болуы мүмкін деп бағалап отыр.
Фото: president.gov.ua