Елімізде ең айтулы спорт додаларының бірі саналатын конфедерация кубогының іріктеу кезеңдерінің басталуына да аз уақыт қалды.
22 шілде күні Астана қаласында конфедерация кубогының жеребесі тартылған болатын. Жалпы жүлде қоры 125 000 000 теңгені құрайтын спорт жарысында әр облыстың спортшылары аянып қалмасы анық.
7-8 қазан күндері Тараз қаласында 2017 жылғы Конфедерация кубогының іріктеу кезеңдері басталады. Жеребе нәтижесі бойынша Тараз татамиінде «D» тобының дзюдошылары өзара мықтыны анықтап, жартылай финалдық кездесулер үшін белдеседі.
«D» тобы: Жамбыл облысы, Қызылорда облысы, Алматы қаласы, Ақмола облысы
Айта кетейік, былтыр Жамбыл облысының кіл мықтылары жиналған команда қарсылас шақ келтірмей үздік танылып, 25 млн теңгеге қол жеткізген еді.