Петропавл тұрғыны көлігін 5 минуттан артық қыздырамын деп айыппұл арқалады. Оны көршілері «ұстап» берген, деп хабарлайды bairak.kz.
Ер адамның өзі хаттаманың скриншотын әлеуметтік желілерде жариялап, полицияға шағымданған көршілеріне «алғысын» білдірді. Ол 5 АЕК мөлшерінде айыппұл төлейді.
Өңір тұрғындары айыппұлдың бұл түрімен мүлдем келіспейді. Ауа температурасы кейде 40 градусқа дейін төмендейтін аймақ үшін көлікті 5 минутта жылыту мүмкін емес. Яғни өңірдің ерекшелігі есепке алынбаған.
ІІМ қозғалтқышты ұзақ уақыт жылытуға тыйым салу 20 жылдан астам уақыт бойы қолданылып келе жатқанын еске салды. Бірінші жағдайда 5 АЕК мөлшерінде айыппұл, ал қайталап бұзғаны үшін 10 АЕК мөлшерінде айыппұл қарастырылған.
Бұған дейін Ішкі істер министрлігі Қазақстанда 20 жыл ішінде көлігін 5 минуттан артық қыздырған бірде-бір адамға айыппұл салынбағанын еске салып еді.
Фото: Kazinform