26-қарашада AFC тұжырымы ұйымдастыратын QAZAQ 70 Гран-Приінде өнер көрсететін спортшылардың есімдері белгілі болды.
Гран-Приге еліміздің барлық аймағынан жиналған 14 тіс қаққан жекпе—жек майталманы өзара кім мықтыны анықтайды.Жеңімпазға 10 000 АҚШ доллары көлемінде сыйақы беріледі.QAZAQ 70 турниріне қатысатын спортшылардың тізімі:
Артем Резников — Мырза Еркенбеков
Нұржан Тұтқа — Еркін Дәрменов
Азамат Бақытов — Мұрат Бақторазов
Нұржан Әкішев — Беймұрат Ниязов
Медет Базарбеков — Олжас Есқараев
Мұратбек Қасымбай — Жолдабай Нұржан
Алтынбек Бақытгелдиевтің қарсыласы жарақатына байланысты турнирден шығып қалды. Енді оның орнына басқа спортшы шығады. Бұл жекпе-жек кешінің басты кездесуі қазақстандық спортшы Қуат «Найман» Хамитов пен ирландиялық Питер Куилли арасындағы жекпе-жек болмақ. Сонымен қатар Fight Nights ұйымының чемпионы Георгий Кичигин мен чемпиондық атаққа үміткер Магомед Нуров кездеседі. Тағы бір кездесуде Жалғас Жұмағұлов пен Шаджа Хэка өнер көрсетеді.
Айта кетейік, турнир 26-қараша күні «Алматы — Арена» спорт кешенінде Астана уақытымен 18:00-де басталады.