Алдағы күндері Астанаға «қара жәшіктен» алынған материалдар жеткізіледі, деп хабарлайды bairak.kz.
Қазақстанға жеткізілгеннен кейін сарапшылар борттық өздігінен жазғыштардан алынған деректерді дереу зерделеуге кіріседі.
Алдағы күндері Астанаға авиациялық оқиғаны тергеу жөніндегі комиссия мүшелерінің борттық өздігінен жазғыштардан (қара жәшіктерден) алынған материалдармен келуі күтілуде. Келген соң сарапшылар борттық өздігінен жазғыштардан алынған деректерді дереу зерделеуге кіріседі, — делінген көлік министрлігі таратқан ақпаратта.
Еске сала кетейік, 2024 жылдың 25 желтоқсанында Ақтау маңында Azerbaijan Airlines ұшағы апатқа ұшырады. Ұшақ бортында 67 адам, оның ішінде бес экипаж мүшесі болған. Оқиға салдарынан 38 жолаушы қаза тапты. Оның арасында 6 Қазақстан азаматы болған.
Фото: ТЖМ