Түркияның әйгілі әншісі және композиторы Волкан Конак өзінің концерті кезінде сахнада есінен танып, кейін көз жұмды, деп хабарлайды bairak.kz.
Мәліметке сәйкес, өнер иесі Солтүстік Кипрде өткен концерт кезінде өзін жайсыз сезінген. Осыдан кейін әншіде жүрек талмасы болған. Дәрігерлер қолдан келген көмекті көрсеткенімен, оның өмірін аман алып қалу мүмкін болмады.
Волкан Конак Түркияда өзінің қайталанбас орындау мәнерімен және музыкалық өнерге қосқан зор үлесімен танымал еді. Оның «Cerrahpaşa», «Mimoza çiçeğim» және «Yarim yarim» атты туындылары түрік музыка мәдениетінде айрықша орын алады.