«Қазгидромет» мамандары Иран аймақтарынан жылы ауа массасы келуі себебінен еліміздің оңтүстік және орталығында аптап ыстық болатынын мәлімдеді, деп хабарлайды bairak.kz.
Ауа температурасы біртіндеп көтеріліп, 15 мамыр күні күндізгі уақытта оңтүстік аймақтарда ауа +35…+44 градусқа дейін, орталықта +35…+38 градусқа дейін, ал Ақмола облысында +30…+35 градусқа дейін ысиды.
Елдің батысы мен солтүстігінде ауа райы сәл салқындау болады. Бұл өңірлерге циклон әсер етіп, жаңбыр мен найзағай әкеледі. Кейбір аудандарда бұршақ жаууы мүмкін.
Фото: istockphoto