Қазақстан Президенті Қасым-Жомарт Тоқаев Тәуелсіз мемлекеттер достастығына мүше елдер басшыларының бейресми кездесуіне қатысты.
Жиынға Қазақстан басшысымен қатар Ресей Президенті Владимир Путин, Армения Премьер-министрі Никол Пашинян, Беларусь Президенті Александр Лукашенко, Қырғызстан Президенті Садыр Жапаров, Тәжікстан Президенті Эмомали Рахмон, Түрікменстан Президенті Сердар Бердімұхамедов және Өзбекстан Президенті Шавкат Мирзиёев қатысты.
Кездесу барысында ТМД аясындағы өзара ынтымақтастықты дамыту бағыттары мен алдағы қадамдар талқыланды. Сонымен қатар ұйым шеңберіндегі ықпалдастыққа қатысты өзекті мәселелер бойынша пікір алмасу өтті.