2025 жылы Президент Әкімшілігіне 82,5 мың өтініш келіп түскен. Бұл туралы президенттің баспасөз хатшысы Руслан Желдібай хабарлады.
Оның айтуынша, биылғы маңызды бағыттардың бірі – «Халық үніне құлақ асатын мемлекет» болды. Өтініштерді қарау үшін eOtinish жүйесінде толық цифрлық инфрақұрылым жасақталған. Оған 50 мың ұйым және 320 мың қызметкер қосылған.
Желдібай атап өткендей, өтініштерді қарау үдерісіне жасанды интеллект элементтері енгізіліп, АҚШ, Оңтүстік Корея және Сингапур сияқты озық елдердің тәжірибесі зерделенген.
Сонымен қатар, диалог офлайн-форматта да жүреді: өңірлерде 150-ден астам өтініш қабылдау орталығы жұмыс істейді, биыл 360 мыңнан астам адам көмек алған.