Енді бірінші сыныпқа баратын оқушылар құжаттарын 27 мамырдан бастап тапсыра алады.
Оқу-ағарту министрі Жұлдыз Сүлейменова бірінші сыныпқа құжат қабылдау мерзімінің өзгергенін хабарлады. Бұған дейін қабылдау 1 сәуірден басталып, мектептерде сабақ өтіп жатқанда өткізілуі қиындық туғызған.
Министрдің айтуынша, мектеп басшылығы мен мұғалімдер, сондай-ақ IT мамандары оқу процесімен қатар құжат қабылдауды тиімді ұйымдастыра алмай келген. Сол себепті биыл қабылдау мерзімі қайта қаралды:
- Басталуы: 27 мамыр, сәрсенбі
- Аяқталуы: 31 тамыз
Жаңа мерзім ата-аналар үшін қолайлы болып, құжаттарды қабылдауға арналған база бірнеше рет тесттен өтіп, жұмыс кестесі оңтайландырылды.
Министр мектепке алғаш аяқ басатын балалар мен олардың ата-аналарына сәттілік тіледі.