Қазақстандық дзюдошы Абылайхан Жұбаназар Ташкентте (Өзбекстан) өтіп жатқан халықаралық Grand Slam турнирінде қола медаль жеңіп алды, деп хабарлайды bairak.kz.
Қазақстан құрамасының спортшысы 81 келіге дейінгі салмақ дәрежесінде үшінші орынға ие болды.
Қола үшін өткен белдесуде Жұбаназар жапондық Сотаро Фудживароны жеңді.
Абылайхан былтыр дәл осы Ташкенттегі турнирді 5-орынмен аяқаған.
Абылайханның бұл Гран Слэм турнирлерінде алған бесінші жүлдесі. Бұған дейін ол 1 күміс, 3 қола алған болатын.
Фото: olympic.kz