УЕФА-ның Ұлттар лигасындағы екінші турында Қазақстан құрамасы Андораға қонаққа барып 1:1 есебімен тең түсті. Ойынның 68-ші минутында Ұлттар лигасындағы Қазақстанның алғашқы голын Юрий Логвиненко салғанымен, 86-шы минутта Жорди Алаэс есепті теңестірді. Кездесудің 76 минутында Серікжан Мужиков қызыл қағаз алып, Қазақстан құрамасы ойынды бір ойыншысыз аяқтады. Айта кетейік, екі тур қорытындысы бойынша бір ұпай жинаған Қазақстан топтағы соңғы — төртінші орында тұр. Ұлттар лигасының 13 қазандағы үшінші турында Грузия — Андорра және Латвия — Қазақстан матчтері өтеді.