Тұрғанов Нұрбек Омарбекұлы, «Ерлік» мүгедектер қоғамының жоба үйлестірушісі: – Сайлауға азаматтық міндетімді атқару үшін келдім. Елімнің болашағы бұлыңғыр болмай, баянды да бақытты өмір сүрейік! Өзім бірінші топ мүгедегімін. Мен осы сайлаудан кейін көптеген өзгерістер болады деп ойлаймын. Сол өзгерістердің ішінде, біріншіден, мемлекетіміз біз сияқты мүгедек жандарға, екіншіден , кішкентай бүлдіршіндеріміздің ештеңеден таршылық көрмей өтуі үшін жалғызбасты ата-аналарға және үй-күйсіз жүрген жастарға қолдау танытады деген үміттемін. Жастарды бірінші кезекте жұмыспен қамтыса деген ниет бар. Жұмыс болса бала-шағаларын өздері-ақ асырайды деп ойлаймын.