1 желтоқсаннан бастап Қазақстанда көлік жүргізушілері қысқы дөңгелектерді қолдануға міндетті. Дөңгелегін уақытылы ауыстырмағандарға айыппұл қарастырылған.
Бұл талап «Әкімшілік құқық бұзушылық туралы» кодекстің 590-бабында жазылған. Бұл талаптарды бұзған жағдайда мынадай айыппұлдар қарастырылған:
Алғаш рет бұзған кезде – 5 АЕК мөлшерінде айыппұл салынады;
Бір жылдың ішінде қайталанған жағдайда – айыппұл 20 АЕК-ке дейін өседі.
Айта кетейік, мұндай заң талабы былтыр күшіне енген болатын. Заңнамадағы түзетуге сәйкес, 1 желтоқсан мен 1 наурыз аралығында көлік жүргізушілері өз көліктерінде қысқы шиналарды қолдануға міндетті.