«Қазгидромет» синоптиктері 7, 8 және 9 сәуірге арналған ауа райы болжамын жариялады.
Метеорологтардың хабарлауынша, Қазақстанның басым бөлігінде тұрғындар көктемге тән өзгермелі ауа райын сезеді.
Жаңбыр жауады, солтүстікте және солтүстік-батыста жауын-шашын (жаңбыр, қар), батыста және оңтүстікте кей уақыттарда нөсер жаңбыр, солтүстікте қатты жауын-шашын күтіледі. Республика бойынша жел күшейеді, Қазақстанның батысы мен оңтүстігінде бұршақ жауып, дауыл тұруы мүмкін, – деп хабарлады синоптиктер.
Тек елдің шығыс аймақтарында жауын-шашынсыз ауа райы сақталады. Түнде және таңертең тұман түседі деп болжануда.