Қостанай облысында қалың қар түсіп, бірқатар жолдарда көліктер қар құрсауында қалды. Ауа райының қолайсыздығына байланысты патрульдік полиция қызметкерлері күшейтілген тәртіпте жұмыс істеп жатыр, деп хабарлайды bairak.kz.
Полиция департаментінің мәліметінше, Қостанай қаласында және Қостанай, Меңдіқара, Фёдоров аудандарында таңертеңнен бері қар аралас жаңбыр жауған. Қысқа дайындықсыз шыққан кейбір жүргізушілер жол апаттарына себеп болуда.
Қостанай – Алматы – Екатеринбург республикалық тас жолында жағдайға ерекше назар аудардық. Таңғы 6:00-ден 10:00-ге дейін жол шетіндегі сайға сырғанап кеткен тоғыз автокөлікті шығаруға тура келді. Мәселен, бір учаскеде Alphard пен Volkswagen көліктерінің жүргізушілері рөлге ие бола алмай, жолдан шығып кеткен. Оларға патрульдік полиция қызметкерлері, сонымен қатар қасынан өткен жүк көлігі мен бейжай қарамаған жүргізушілер көмектесті, – делінген хабарламада.