2026 жылдың мамыр айында Қазақстан азаматтарын бірқатар мерекелік демалыс күндері күтіп тұр. Бұл айда бірнеше мемлекеттік және діни мерекеге байланысты қосымша демалыстар беріледі.
Мамырдағы мерекелер:
1 мамыр – Қазақстан халқының бірлігі күні
7 мамыр – Отан қорғаушылар күні
9 мамыр – Жеңіс күні
27 мамыр – Құрбан айт
1 мамырға байланысты демалыс:
Бес күндік жұмыс аптасында істейтіндер 1, 2 және 3 мамыр күндері қатарынан үш күн демалады.
Ал алты күндік жұмыс аптасында 1 мамыр – демалыс, 2 мамыр – жұмыс күні, 3 мамыр – жексенбі.
7 және 9 мамырдағы демалыс:
Бес күндік жұмыс аптасы үшін 7 мамыр – демалыс, 8 мамыр – жұмыс күні, ал 9 мамыр сенбіге түскендіктен, демалыс 11 мамырға ауыстырылады. Осылайша 9, 10 және 11 мамыр күндері қатарынан демалыс болады.
Ал алты күндік жұмыс аптасында 7 мамыр – демалыс, 8 мамыр – жұмыс күні, 9 және 10 мамыр – демалыс, 11 мамыр – жұмыс күні.
Құрбан айттағы демалыс:
27 мамырда, жұмыс аптасының түріне қарамастан, барлық қазақстандықтар демалады.
Осылайша, мамыр айында қазақстандықтар үшін бірнеше ұзақ демалыс кезеңі қалыптасады.