Алматыда өткен «Отандастар» бизнес-форумы барысында Steppe & World баспасының негізін қалаушы Раиса Қадыр Қазақстанда қазақ тілінде басылып шығарылатын кітаптардың санын арттыруға шақырды. Ол қазақ тіліндегі әдебиеттің қолжетімділігін кеңейтіп, жас ұрпаққа ана тілінде сапалы білім беру маңызды екенін атап өтті.
Раиса Қадырдың айтуынша, қазақ тіліндегі кітаптар еліміздің рухани дамуына елеулі үлес қосады және бұл бағыттағы жұмыстарды күшейту арқылы ұлттық мәдениеттің сақталуына жағдай жасауға болады.