Жексенбі күні саяси додадан қалыс қалмай, өз таңдауларын жасауға келген әр жан сайлау науқанының көктемгі жаңару мерекесі қарсаңында ұйымдастырылуында үлкен мән барын айтуда.
Көпшілік бір-бірін мерекелерімен құттықтап, жуық арада «Көрісу күні» өткенін, алда әз-Наурыз мейрамы екенін тілге тиек етуде. Сондай-ақ аудан халқы барша ұлт пен ұлыс өкілдері бірігіп, жұдырықтай жұмылса, еліміздің өркендей түсеріне сенім білдіруде. Сайлау участкелерінде мерекелік көңіл күйдегі халыққа наурыз көже ұсынылуда. Наурыз көжеден ауыз тиген жастар жағы үлкендерден көженің дайындалу жолын сұрастырып, пайдалы мағлұматқа қанығып қайтуда.