АҚШ-тың жаңадан сайланған президенті Дональд Трамп өзінің көмекшілеріне ұлықтау рәсімінен кейін бірнеше күн ішінде Ресей президенті Владимир Путинмен телефон арқылы әңгімелесуді ұйымдастыруды тапсырды, деп хабарлайды bairak.kz CNN-ге сілтеме жасап.
Әңгімелесудің әзірше нақты қай күнге келісілгені не келісілмегені белгісіз. Телеарна дереккөздерінің бірінің айтуынша, Трамп Украинадағы соғыс «Путинмен тікелей әрекеттесу арқылы» шешілетіне сенімді.
Трамп бұған дейін Вашингтондағы ұлықтау рәсімі алдында сөйлеген сөзінде мыңдаған жақтасына АҚШ бастан өткеріп жатқан дағдарыстың бәрін шешетінін айтқан еді. Ол АҚШ-тың көші-қон және сауда саясатын түбегейлі өзгертпек ниетте.
АҚШ президентінің ұлықтау рәсімі дүйсенбі күні шығыс уақыты бойынша түсте (Астана уақыты бойынша 22:00) жоспарланған. Трамп Капитолий ғимаратының ротондасында президент ретінде ант қабылдайды.
Фото: AP Photo