Қазақстанда стоматологиялық қызметтерге ақы төлеу үшін зейнетақы жинақтарын пайдалану бойынша өтініштер қабылдау тоқтатылады. Шектеу 15 қыркүйектен бастап күшіне енеді, деп хабарлайды bairak.kz.
«Отбасы банк» баспасөз қызметі хабарлаған мәліметке сай, 2025 жылғы 15 қыркүйектен бастап enpf-otbasy.kz платформасында тіс емдеуге зейнетақы жинақтарын (БЖЗҚ қаражатын) пайдалану жөніндегі өтінімдер қабылданбайды делінген.
Аталған күнге дейін берілген барлық өтінімдер қалыпты тәртіпте қаралып, өңделеді. Тіс емдеуге БЖЗҚ қаражатын пайдалану үшін өтінім қабылдау қайта қашан басталатыны туралы қосымша хабарланады, — делінген банк хабарламасында.