Bairak.kz ақпараттық-сараптамалық порталы
АймақЖаңалықтар

Жетісу облысының әкімі азаматтарды жеке мәселелері бойынша қабылдады

Облыс әкімі Бейбіт Исабаев азаматтарды жеке мәселелері бойынша қабылдады. Қабылдауға кірген 8 азамат негізінен тұрғын үй, денсаулық сақтау, жер бөлу, бизнес жобаларды қолдау мәселелеріне қатысты жүгінді, деп хабарлайды Жетісу облысы әкімінің баспасөз қызметі.

Мәселен, Ескелді ауданының тұрғыны Қалел Нұрқамал 3-топтағы мүгедектіктен 2-топқа өтуіне қолдау білдіру, ал күйеуі Қазығұрт Мүбәрқан қолөнер кәсібін жүргізу үшін жер учаскесін беру туралы өтініш білдірді. Мәселенің мән-жайына қаныққан облыс әкімі Б. Исабаев денсаулық сақтау басқармасының басшысына арыз иесі Н.Қалелдің денсаулығын анықтау үшін медициналық тексеруден өткізуді, негізді болған жағдайда, заңға сәйкес мүгедектік тобын ауыстыру үшін жолдама беруді тапсырды. Ал Ескелді ауданы әкімінің айтуынша, жер мәселесіне қатысты Қазығұрт Мүбәрқанға Қарабұлақ ауылынан екі жер учаскесі уақытша жер пайдалану құқығымен ұсынылған, алайда азамат жер учаскесін бірден жеке меншігіне аударып беруді талап етіп, ұсынылған жерлерден бас тартқан. Осыған байланысты қабылдау барысында азаматқа жер заңнамасы түсіндірілді, сонымен қатар заңға сәйкес коммерциялық жер учаскелерін бөліп беру аудан басшылығына тапсырылды.

Қабылдауға келгендердің бірі талдықорғандық Айгүл Абеева тұрғын үй алуға тұрған 2019 жылғы кезегін сот арқылы қалпына келтірген. Көп балалы ана санатында қазіргі кезегі – 655-ші. Бұл ретте А. Абееваға баспана кезек ретімен берілетіні түсіндірілді.

Бірқатар азаматтардың мәселесі жеке бизнес жобаларын қолдауға қатысты болды. Сәуле Горбунова Талдықорған қаласында мүмкіндігі шектеулі жандарға арналған киім тігетін «Айсана» қоғамдық бірлестігіне тұрғынжай алаңын табуға қолдау сұраса, ерекше қажеттілігі бар санатындағы азамат Талғат Дауылбаев жастарға арналған «Тәуелсіздік ұрпақтары» грантын иеленіп, кірпіш құятын цех ашсам деген ниетін білдірді. Мәселелерді жан-жақты қарастыра келе, С. Горбуноваға өзі сұрап отырған, Талдықорған қалалық тұрғын үй қатынастары бөлімінің теңгеріміндегі жертөле тұрғынжайын 5 жылға сенімгерлік басқаруға беруге жуырда тендер жарияланатынын, соған құжат дайындап, қатысып көру ұсынылды. Ал Т. Дауылбаевқа «Тәуелсіздік ұрпақтары» грантының биылғы конкурсы өтіп кеткендіктен, шағын бизнеске арналған басқа да гранттарға қатысу мүмкіндіктері қарастырылатыны айтылып, бұл жұмыс облыстық жұмыспен қамтуды үйлестіру және әлеуметтік бағдарламалар басқармасына тапысырылды.

Бұдан басқа да бірқатар мәселелермен жүгінген азаматтардың барлығының сұрақтарының шешімін қарастыру бойынша облыс әкімі тиісті мекемелерге тапсырмалар берді.

Жетісу облысы әкімінің баспасөз қызметі.

Фотосуреттерді түсірген: Жеңіс Ысқабай.

Сәйкес жаңалықтар

Мақпал Жүнісова жақсы жаңалығын бөлісті

bairakkz

Жеңілатлет Нора Джерута Олимпиадаға іріктеуден өтті

Ришат

ҮШТӨБЕДЕ ТАКСИ ЖҮРГІЗУШІЛЕРІ САЙЛАУШЫЛАРДЫ ТЕГІН ТАСЫМАЛДАУДА

bairakkz

Пікір жазу