Өзбекстанда педофилия қылмысы үшін өмір бойына бас бостандығынан айыру жазасын енгізу мәселесі қаралып жатыр. Бұл туралы Шавкат Мирзиёев төрағалық еткен жиында айтылды.
Кеңес барысында президентке әйелдер мен балаларға қатысты зорлық-зомбылық үшін жазаны күшейту жөнінде ұсыныстар берілген. Соның ішінде педофилия үшін ең қатаң жаза — өмір бойы түрме жазасын бекіту бастамасы қолдау тапқан.
Айта кетейік, 2023 жылдың қазан айында Дилноза Азизова осы санаттағы қылмыстар үшін кінәлілерге өмір бойына бас бостандығынан айыру жазасын қолдануды ұсынған болатын.