Талдықорғанның «Жетісу» футбол командасы Оралдың «Ақжайығын» 3:1 есебімен жеңіп, ел чемпионатын алтыншы орынмен аяқтады. Маусымның басында талдықорғандық командаға басшылық биыл үздік алтылықтың ішіне ену керек деп талап қойған еді. Тапсырма орындалды. Қарсыластарын ойсырата ұтқан «Жетісу» командасын облыстық дене шынықтыру жəне спорт басқармасының басшысы Нұрбақыт Теңізбаев жеңістерімен құттықтап, футболшыларға алғысын білдірді.
