«Қазгидромет» РМК алдағы күндері Қазақстанда ауа рай салқындайтыны жөнінде болжам жасады, деп хабарлайды bairak.kz.
Синоптиктердің болжамынша, циклон және онымен байланысты фронтальды бөлімдер Қазақстанның басым бөлігіне өз әсерін тигізеді, жаңбыр, найзағай және ауаның жоғары температурасы сақталады.
«Алайда, 24 мамырда солтүстік антициклон ел аумағына басып кіре бастайды. Жаңбыр әлі де сақталатынына қарамастан, антициклон ауа температурасының айтарлықтай төмендеуіне әкеледі, оны әсіресе солтүстік аймақтардың тұрғындары сезінеді-түнгі уақытта термометрлердің бағандары 3-8 жылуға, ал күндізгі уақытта 10-15 жылуға дейін төмендейді», — делінген «Қазгидромет» РМК хабарламасында.
Фото: Pexels