Түркістан облысының Отырар ауданында Еңбек Ері, көрнекті ақын, халық жазушысы Мұхтар Шаханов ақтық сапарға шығарып салынды.
Қаралы жиынға мемлекет және қоғам қайраткерлері, зиялы қауым өкілдері, сондай-ақ ақынның оқырмандары мен қалың жұртшылық жиналды.
Жиынға Мәжіліс депутаты Ринат Зайытов қатысып, сөз сөйледі.
«Шыншыл ақын бола білу – азаптың ең азабы. Сол азапқа төзе білу – ғажаптың ең ғажабы. Азапқа төзе білген, қазақтың жанын сезе білген. Қызыл империяның дауылынан шайқалмаған, ешкімнен ешқашан да тайсалмаған Мұхаңның жатқан жері жайлы, топырағы торқа, жаны жәннатта болсын…», – деді ол.
Даңқты ақын 19 сәуір күні 84 жасқа қараған шағында дүниеден өтті.