Астанада алғаш рет егіз балаларға жүкті әйелге жатырішілік екі ота жасалды, деп хабарлайды bairak.kz.
Бүгін University Medical Center базасында Астанада алғаш рет денсаулық сақтау министрлігінің және AYALA қайырымдылық қорының бастамасымен «Феталдық медицина» жобасының шеңберінде екі сирек жатырішілік операция жасалды. Отаға ресейлік мамандар да үлесін қосқан.
Дәрігерлер зергерлік дәлдікпен монохориондық көпұрықтық жүктілікті асқынудан аман алып ұалды.
Монохориондық егіздер бір жұмыртқадан түзіледі. Бұл балалар генетикалық жағынан бірдей, олар өте ұқсас, бірақ мұндай жүктіліктің асқынуы бихориалдық егіздерге қарағанда екі есе жиі кездеседі, — деп жазылған ведомство хабарламасында.
Болашақта жылына 150 осындай ота жасау жоспарлануда.
Фото: ДСМ