«Астана» футбол клубы бесінші жыл қатарынан ел чемпионы атанды. Алматылық «Қайрат» «Ертіске» жеңілгеннен кейін кейін, елордалық команда чемпиондық атаққа ертерек қол жеткізді. «Астана» 2014 жылдан бері ел чемпион атағына қол жеткізсе, «Қайрат» төртінші жыл қатарынан күміс жүлдеге ие болды. Сондай-ақ, бұл турда «Ақтөбе» өз алаңында «Қызыл-Жарды» 1:0 есебімен ұтса, «Қайсар» қонақта «Ақжайыққа» жауапсыз төрт гол соқты. Ал, Талдықорғанда өңіріміздің «Жетісу» командасы «Атыраумен» (0:0), «Ордабасы» «Шахтермен» (1:1) есебімен тең түсті.