Белгілі әнші Мөлдір Әуелбекова «Ауыл» халықтық-демократиялық патриоттық партиясының қатарына ресми түрде қабылданды.
Партия төрағасы Серік Егізбаев өнер иесіне партиялық билетті салтанатты жағдайда табыстады. Осылайша әнші аталған саяси ұйымның толыққанды мүшесіне айналды.
Айта кетейік, «Ауыл» партиясы 2000 жылдың 29 наурызында құрылған. Қазіргі таңда оның құрамында 300 мыңнан астам адам бар. Саяси ұйым негізінен аграрлық саланы дамытуға, қоғамды демократияландыруға бағытталған реформаларды қолдауға және ұлттық құндылықтарды нығайтуға басымдық береді.