Ол әлеуметтік желідегі жазбасында соңғы уақытта өнер мен медиа саласындағы кейбір тұлғалардың партия атынан депутат болуға ұмтылуын сынға алды.
Парламент тарайды, жаңа құрылтай құрылады деген әңгімені жиі естиміз. Бірақ бір өтінішім бар: әнші, журналист, блогер, КВН-ші болып жүріп, “лыпылдап” партия атынан халық қалаулысы болуға ұмтылмаңыздар, – деді ол.
Журналистің айтуынша, парламент – шоу алаңы емес, ел тағдыры шешілетін маңызды саяси институт.
Бұл әдемі сөйлейтін студия немесе сахна емес. Бұл – елдің болашағы айқындалатын орын, – деп жазды Жылқышыбай.
Оның бұл пікірі әлеуметтік желі қолданушылары арасында кең талқыланып, бір бөлігі қолдау білдірген.