2026 жылғы қаңтардан бастап Қазақстан азаматтары жүргізуші куәлігін онлайн түрде ауыстыра алады. Ең басты жаңалық – құжаттың мерзімі аяқталған болса да өтінім беруге мүмкіндік бар.
Қалай онлайн өтінім беру керек:
- «Электрондық үкімет» порталына немесе мобильді қосымшаға кіріп, мына жолды таңдау:
«Азаматтарға» → «Көлік және коммуникациялар» → «Автомобиль көлігі». - «Жүргізуші куәліктерін беру» қызметін таңдау.
- Дайын құжатты алатын ХҚКО-ны (ЦОН) көрсету.
- Фотосурет пен қол үлгісін жүктеп, байланыс телефонын жазу.
- Мемлекеттік бажды төлеу (қазіргі мөлшері – 1,25 АЕК).
Қол қойылған өтінімнен кейін қызмет нәтижесі жеке кабинетте пайда болады. Куәлікті ХҚКО-дан жеке куәлікті көрсетіп алуға болады.
Маңызды ескерту: Кейбір жағдайларда пайдаланушы деректері мемлекеттік ақпараттық жүйелерде жоқ болуы мүмкін. Мұндайда экранда хабарлама шығып, деректерді жаңарту үшін ХҚКО-ға жеке бару қажет.