ҚР Сыртқы істер министрлігі Таяу Шығыстағы қақтығыс аймағынан азаматтарды эвакуациялау жұмыстарының аралық қорытындысын жариялады. Ресми мәліметке сәйкес, эвакуация басталғаннан бері 8 585 қазақстандық аман-есен елге қайтқан.
Қазіргі уақытта министрлік құзырлы органдармен бірлесіп, қауіпті аймақта қалған отандастарды елге қайтару бойынша жұмысты жалғастырып жатыр. Дипломаттар жергілікті жердегі жағдайды тұрақты бақылауда ұстап отыр.
Ведомство өкілдерінің мәліметінше:
«Қазақстан Республикасының Сыртқы істер министрлігі құзыретті органдармен бірлесіп, Таяу Шығыс қақтығысы аймағынан азаматтарымызды қайтару бойынша жұмысты жалғастыруда».
Сондай-ақ Қазақстанның шетелдегі дипломатиялық өкілдіктері оқиға орнындағы іс-қимылдарды үйлестіріп, аймақта жүрген қазақстандықтармен тұрақты байланыс орнатқан. Мемлекет азаматтардың қауіпсіздігін қамтамасыз ету үшін барлық қажетті шараларды қабылдап жатыр.