Қазақстанның халық жазушысы, көрнекті ақын, қоғам қайраткері Мұхтар Шахановтың өмірден өтуіне байланысты аза тұту шараларының тәртібі белгілі болды. Қоштасу рәсімі мен жерлеу 21 сәуір, сейсенбі күніне жоспарланған.
Қоштасу рәсімі сағат 09:00-де Абай атындағы Қазақ ұлттық опера және балет театрының ғимаратында өтеді.
Ұлы ақынды соңғы сапарға шығарып салуға мемлекет және қоғам қайраткерлері, шығармашылық зиялы қауым өкілдері және оның өнерін құрметтеушілер келеді деп күтілуде.
Ресми рәсім мен жерлеуден кейін ас беріледі. Марқұмды еске алғысы келетін азаматтар сағат 13:00-де Достық даңғылы, 341/1 мекенжайында орналасқан LuxHall банкет залында жинала алады.
Айта кетейік, бұған дейін ақынның жұбайы Ханшайым Шаханова президент Қасым-Жомарт Тоқаев атына хат жолдап, оны Арыстанбаб кесенесі аумағында жерлеуді сұраған еді.
