2026 жылдың сәуір айында Қазақстанда айлық инфляция 0,8% деңгейінде қалыптасты.
Ұлттық статистика бюросының деректеріне сәйкес, азық-түлік тауарлары 0,7%, ал азық-түлік емес тауарлар мен ақылы қызметтер 0,9%-ға қымбаттаған.
Азық-түлік нарығындағы өзгерістер
Кейбір өнімдердің бағасы төмендесе, бірқатары қымбаттаған.
Бағасы арзандағандар қатарында банан мен апельсин (-3%), көк шөп пен үрме бұршақ (-0,6%), зефир (-0,5%) және кептірілген өрік (-0,4%) бар.
Ал жүзім (+5,6%), сары май мен карамель (+1,2%), картоп (+0,8%), сүзбе (+0,6%), сондай-ақ лимон мен жасымық (+0,3%) қымбаттаған.
Азық-түлік емес тауарлар
Бұл санатта кір жуғыш машиналар (-1,2%), парацетамол (-0,8%), блендер (–0,6%) және теледидарлар (-0,4%) арзандаған.
Сонымен қатар қол сағаттары (+4%), цемент (+2,4%), жеке гигиена тауарлары (+1,5%) және жуғыш құралдар (+0,7%) қымбаттаған.
Қызмет көрсету саласы
Ақылы қызметтер арасында туристік медициналық сақтандыру (-1,9%) арзандаған. Ал клининг қызметтері (+0,8%), косметолог қызметі (+0,7%) және техника жөндеу қызметтері (+0,3%) қымбаттаған.
Жылдық инфляция
Жылдық есеп бойынша инфляция 10,6% деңгейінде тіркеліп, наурызбен салыстырғанда 0,4 пайыздық тармаққа баяулаған.
Азық-түлік емес тауарлар 11,7%, азық-түлік өнімдері 11,3%, ал ақылы қызметтер 8,9%-ға өскен.
Кейбір тауарлар айтарлықтай қымбаттаған: үтік (+20,7%), тіс пастасы (+14,6%), зарядтау құрылғылары (+6,8%) және дастархан (+6,4%). Ал заңгерлік қызметтер 10%, байланыс қызметтері 3,2% өскен.