Танымал продюсер Баян Алагөзова қазақ тілінің тазалығы мәселесіне қатысты өз ойын айтты.
Өнер иесі әлеуметтік желідегі парақшасында кейінгі уақытта күнделікті сөйлеу тілінде «МашАлла», «Әлхамдулиллаһ» секілді діни тіркестердің жиі қолданылып кеткеніне назар аударды. Оның пікірінше, қазақ тілі ондай сөздерсіз де толыққанды әрі бай тіл болып қала береді.
Бұрын біз “МашАлла”, “Әлхамдулиллаһ” деген сөздерсіз қалай өмір сүрдік? Қазақ тілі бай әрі өзін-өзі толық қамтитын тіл ғой, мұндай сөздерсіз де болады емес пе?..
Продюсердің бұл пікірі әлеуметтік желі қолданушылары арасында түрлі көзқарас туғызып, тіл тазалығы мен діни сөздердің қолданысы төңірегінде пікірталасқа себеп болды.