Прокуратура тексерісі бойынша 2023 жылғы мамырдан 2024 жылғы қыркүйекке дейін кәсіпкер алты баланың сабаққа қатысуын жалған көрсетіп, іс жүзінде секцияларға бармағанын анықтады.
Ол ваучерлік қаржыландыру арқылы сабаққа қатысу табельдері мен қызмет көрсету актілерін жалған толтырып, мемлекеттік бюджеттен ақшаны өз есепшотына аударған.
Қалалық сот үкімімен азаматша Н. ҚР ҚК 190-бабы бойынша кінәлі деп танылып, 2 жылға бас бостандығын шектеу және 3 жыл мерзімге материалдық жауапты лауазымдарды атқару құқығынан айыру жазасына кесілді.