Қазақстан мұсылмандары діни басқармасы Құрбан айт мерекесіне арналған айт намазының кестесін жариялады. Биыл Құрбан айттың бірінші күні 27 мамырға сәйкес келеді.
ҚМДБ мәліметінше, Астана, Алматы және Шымкент қалаларында айт намазы сағат 06:00-де оқылады.
Сондай-ақ дәл осы уақытта Ақмола, Алматы, Жамбыл, Қостанай, Қызылорда, Павлодар, Солтүстік Қазақстан, Түркістан, Шығыс Қазақстан облыстарында, сондай-ақ Абай, Жетісу және Ұлытау облыстарында айт намазы басталады.
Ал Ақтөбе, Атырау, Батыс Қазақстан, Қарағанды және Маңғыстау облыстарында айт намазы сағат 06:30-да өтеді.
ҚМДБ түсіндіруінше, һижри күнтізбе бойынша зүл-хижжа айы 18 мамырда басталған. Соған сәйкес Арафа күні 26 мамырға, ал Құрбан айттың алғашқы күні 27 мамырға түсіп отыр.
Сондай-ақ діни басқарма мүмкіндігі бар мұсылмандар үшін Құрбан айттың алғашқы үш күнінде құрбан шалу уәжіп саналатынын еске салды.
Қазақстанның Еңбек кодексіне сәйкес, Құрбан айттың бірінші күні ресми демалыс күні болып есептеледі. Осыған байланысты қазақстандықтар 27 мамыр күні қосымша демалады.
Посмотреть эту публикацию в Instagram