Батыс Қазақстан облысында Эйфель мұнарасының көшірмесі пайда болмақ

Батыс Қазақстан облысындағы Жалпақтал ауылында Эйфель мұнарасының көшірмесін салу жұмыстары басталды. Бұл туралы Bairak.kz ақпарат агенттігі КТК арнасына сілтеме жасап хабарлайды.

Жергілікті мектептің түлектері 30 метрлік құрылысты сыйға тартуды шешті. Ауылда бұл дәстүр 10 жылдан астам уақыт бұрын басталған екен. Мектеп мерейтойларын атап өткен түлектер 25 мамырда ауылға үлкен сыйлық жасайды.

 Бұған дейінгі түлектер бірнеше саябақ, ойын алаңдары, мүсіндер және субұрқақ салды. 

Кейбір әлеуметтік желі пайдаланушылары облыс орталығынан 300 км қашықтықта орналасқан шалғай ауылға бұдан пайдалы жобалар қажет деп санайды. Басқалары мұнара болмаса, ауыл бүкіл Қазақстан бойынша танылмас еді дейді.